भरतपुर ८ जेठ । भरतपुर महानगरपालिकामा अहिले सम्म ९६ हजार ३११ मतगणना सकिएको मुख्य निर्वाचन अधिकृतको कार्यालयले जानकारी दिएको छ । योसँगै अब भरतपुरमा ३१ हजार ५२८ मतगणना गर्न बाँकी रहेको छ ।
३१ हजार मत गन्न बाँकी रहँदा गठवन्धनकी मेयरकी साझा उम्मेदवार नेकपा (माओवादी केन्द्र)की रेनु दाहालले ८हजार २९५ मतले आफ्नो अग्रता कायम नै राखेकी छन् ।
उनका प्रतिद्धन्दी नेकपा एमालेका उम्मेदवार विजय सुवेदीले २९ हजार ६३३ मत पाएका छन् । यता रेणु दाहालले भने ७ हजार ९२८ मत पाइसकेकी छन् । स्वतन्त्र उम्मेदवार जगन्नाथ पौडेलले भने अहिले सम्म १२ हजार ४६३ मत प्राप्त गरेका छन् ।
त्यसैगरी, भरतपुर महानगरपालिकाको उपमेयरमा गठबन्धनबाटै नेपाली कांग्रेसका चित्रसेन अधिकारी ४० हजार १२१ मत पाएका छन् । उनका प्रतिद्धन्दी राप्रपाकी हिमला गुरुङले २३ हजार ४४३ मत पाएकी छन् ।
गुरुङमाथि अधिकारीले १६ हजार ६७८ मत अन्तरले अग्रता लिएका छन् ।
