धनगढी ८ जेठ । धनगढी उपमहानगरपालिकाको मेयर पदमा स्वतन्त्र उम्मेदवार गोपाल हमाल विजयी भएका छन् ।
हमाल २६ हजार ८६५ मतसहित विजयी भएका हुन् । उनका प्रतिद्धन्दी निवर्तमान मेयर कांग्रेसका नृपबहादुर ओड १४ हजार ८१७ मत सहित पराजित भएका हुन् । एमालेका रणबहादुर चन्द ९ हजार ११५ मत ल्याएका थिए ।
गठवन्धनको साथ पाएका ओड यस पटक स्वतन्त्र उम्मेदवारसँग फराकिलो मतान्तरले पराजित भएका हुन् । साथै उपमेयरमा एमालेकी कन्दकला राना १५ हजार ४७९ मत सहित विजयी भएकी छन् ।
यता माओवादी केन्द्रकी शान्ति अधिकारी १२ हजार ६७० मत सहित पराजित भएकी छन् । स्वतन्त्र उम्मेदवार प्रभाकर भण्डारीले ६६०९ मत ल्याइन्
