झापाको अर्जुनधारा नगरपालिकाको मेयर र उपमेयरमा एमालेले जित हाँसिल गरेको छ । गठबन्धनको जालो तोड्दै अर्जुनधाराको मेयरमा एमालेका बलदेवसिंह गोम्देन तामाङ र उपमेयरमा एमालेकै खड्गमाया पराजुली निर्वाचित भएका छन्।
कांग्रेस र माओबादीको गठबन्धनबाट कांग्रेसकी मेयर उम्मेदवार रंजिता कार्कीलाई ५ हजार ४२६ मतान्तरले पराजित गर्दै तामाङ निर्वाचित भएका छन्। तामाङले १९ हजार १६९ मत ल्याए । त्यस्तै कार्कीले १३ हजार ७४३ मत ल्याईन् ।
त्यस्तै गठबन्धनबाट माओवादी केन्द्रका जितेश योञ्जनलाई ८ हजार ५६६ मतान्तरले पराजित गर्दै एमालेकी पराजुली निर्वाचित भएका छन्। पराजुलीले १७ हजार ६३७ मत ल्याउँदा योञ्जनले ९ हजार ७१ मत ल्याए ।
