काठमाडौं ६ जेठ । बाराको कलैया उपमहानगरपालिकाको मेयर र उपमेयरमा नेकपा एमाले विजयी भएको छ ।
पाँच दलीय गठवन्धनलाई हराउँदै उपमहानगरपालिकाको मेयर र उपमेयर नेकपा एमाले विजयी भएको हो ।
एमालेका विनोदप्रसाद शाहले नेपाली कांग्रेसका उमेदवार राजेशराय यादवलाई पराजित गरेका हुन् ।
त्यसैगरी उपमेयरमा एमालेकै रौशन परविनले गठबन्धनकै तर्फबाट जसपाका प्रमोद प्रसाद गुप्तालाई पराजित गरेका हुन् ।
मत सहितको अन्तिम परिणाम भने सार्वजनिक हुन बाँकी रहेको छ ।
