बलिउडका किंग शाहरुख खान पछिल्लो समय आफ्नो अपकमिङ फिल्म पठानका लागि ब्यस्त रहेका छन् । पठानलाई लिएर चर्चा परिचर्चा भईरहेका बेला शाहरुखको एउटा फोटो जस्ले अहिले सामाजिक सञ्जालमा धुम मच्चाएको छ ।
शाहरुखको यो फोटो धेरै बर्ष अगाडिको रहेको छ । जतिबेला उनी थिएटरमा अभिनय गर्न खुब मनपराउने गर्थे । शनिबार एक ट्विटर युजरले शाहरुखको यो अनसिन तस्बिर सार्वजनिक गरिदिएका हुन् । यो फोटोमा खान एकदमै पातलो देखिएका छन् ।
फोटो सादा अर्थात ब्ल्याक एण्ड व्हाइट रहेको छ । यो फोटोमा शाहरुख खान तथा सञ्जय राय कुनै रेलवे स्टेशनको प्लेटफार्ममा साथीहरु संग देखिएका छन् । सञ्जय अहिले एक इभेन्ट्स म्यानेजमेन्ट कम्पनिमा म्यानिजिङ डिरेक्टरको रुपमा काम गरिरहेका छन् । सञ्जयले यो तस्बिरले पुराना याद ताजा गराएको बताएका छन् ।
