स्थानीय तहको निर्वाचनमा कलाकारहरु समेत उम्मेद्धारको रुपमा उठेका छन् । कतिपय कलाकारले पराजय भोगेका छन् भने कतिपय बिजयी भएका छन् । यसैक्रममा निर्माता तथा निर्देशक मुनाल घिमिरे दाङको घोराही उपमहानगरपालिकाको वडा नं. ४ को वडाध्यक्षमा निर्वाचित भएका छन्। एमाले बाट उम्मेद्धारी दिएका घिमिरे वडाध्यक्ष पदमा निर्वाचित भएका हुन् ।केहि समय अघि कलाकारीता क्षेत्रमा जमेका उनी हाल सामाजिक तथा राजनीतिक कार्यमा ब्यस्त रहेका छन् ।
निर्वाचित भएपछि उनले आफ्नो वडा लाई देशकै नमुना बनाउने प्रतिबद्धता समेत जाहेर गरेका छन् । साथै सामाजिक सञ्जाल मार्फत उनले आफुलाई जिताउन सहयोग गर्ने सबै वडाबासीहरुलाई धन्यबाद समेत दिएका छन् । स्थानीय तहको निर्वाचनमा जित हाँसिल गर्ने घिमिरे मात्र हैनन् ।अरु कलकारले समेत बिभिन्न पदमा बाजी मारेका छन् । अभिनेता राज घिमिरे , हाँस्य कलाकार तथा निर्देशक किशोर भण्डारी समेत रहेका छन् ।
