भीमदत्त नगरपालिका–५ का कांग्रेसबाट नवनिर्वाचित अध्यक्ष पदम अवस्थीको बिजय जुलुसमा मोटरसाईकल दुर्घटना हुँदा एक जनाको मृत्यु भएको छ भने एक जनाको अवस्था गंभीर रहेको छ । मृत्यु हुनेमा भीमदत्त नगरपालिका–१० गज्जरका २८ वर्षीय वीरेन्द्र चन्द रहेका छन् । अर्का गंभीर घाईते हुनेमा भीमदत्त नगरपालिका–५ का ३५ वर्षीय प्रेमराज अवस्थी रहेका छन् । अवस्थी अध्यक्ष पदमको भतिज रहेको जिल्ला प्रहरी कार्यालय कञ्चनपुरका डीएसपी चक्रबहादुर शाहले जानकारी दिए।
उक्त दुर्घटना मोटरसाईकल एक आपसमा ठोक्किदा भएको हो । भीमदत्त नगरपालिका–५ तिनचारास्थित दुई मोटरसाइकल एकआपसमा ठोक्किँएको थियो । गड्डाचौकीबाट सुकासालतर्फ आइरहेको चन्दले चलाएको म २ प ८०२४ नम्बरको मोटरसाइकल र भीमदत्त नगरपालिका–५ का ३५ वर्षीय प्रेमराज अवस्थीले चलाएको सुकासालदेखि गड्डाचौकीतर्फ गइरहेको म २ प २७६ नम्बरको मोटरसाइकल एकआपसमा ठोक्किएका थिए।
दुर्घटनामा परि घाइते भएका अवस्थीको टाउकोमा गंभीर चोट लागेको छ। उनको महाकाली अस्पतालमा उपचार हुन नसकेपछि अहिले धनगढीमा उपचार भईरहेको जिल्ला प्रहरी कार्यालयले जानकारी दिएको छ ।
