काठमाडौँ महानगरपालिकामा लगभग ५० हजार मत गणना भईसक्दा मेयर पदका स्वतन्त्र उम्मेदवार बालेन्द्र साहले करिब २० हजार मत प्राप्त गरेका छन् । उनले निरन्तर रुपमा आफ्नो फराकिलो अग्रता कायम राखेका छन् । प्राप्त पछिल्लो मत परिणाम अनुसार ४९ हजार ९७५ मतगणना भईसकेको छ । बालेन साहले १९ हजार ५२३ मत प्राप्त गरेका छन् । यो अहिले सम्म गणना भएको मतको ३९ प्रतिशत मत एक्लैले ल्याउन सफल भएका छन् ।
उनका निकटतम प्रतिद्वन्द्वी नेकपा एमालेका केशव स्थापितले १० हजार ३२ मत ल्याएका छन् । गणना भएको मतका आधारमा उनले २० प्रतिशत मत प्राप्त गरेका छन् । नेपाली काँग्रेसबाट उम्मेदवार बनेकी सिर्जना सिंहले ९ हजार १३२ मतसहित तेस्रो स्थानमा रहेकी छन् । उनले अहिले सम्मको गणना भएको मतको १८ प्रतिशत मत रहेको छ ।
