काठमाण्डौ महानगरपालिकाको पछिल्लो मत गणना सार्वजनिक भएको छ । अहिले काठमाण्डौको वडा नम्बर २८ को मतगणना भईरहेको छ । यो वडा एमाले उम्मेद्धार केशब स्थापितको रहेको छ । यो वडा बाट आफुलाई जितको लागि ढुक्क हुने गरि मत खस्ने स्थापितको दाबी थियो । सुरुवाती चरणमा उनले स्वतन्त्र उम्मेद्धार बालेन्द्र शाह भन्दा बढी मत ल्याएका थिए । स्थापित यस वडामा आफुलाई मत राम्रो आउने कुरामा बिश्वस्त रहेका थिए तर उनको सपना लौरोले तुहाई दिएको छ ।
अहिले सम्मको अवस्थामा वडा नम्बर २८ मा ७ सय मत गनिसक्दाको अवस्थामा स्थापित भन्दा पछाडी देखीएका बालेन बराबरीको अवस्थामा आएका छन् । आफ्नै वडामा स्थापित स्वतन्त्र उम्मेदवार बालेनसँग बराबरीमा रोकिएका हुन् । स्थापितले १८१ मत ल्याउँदा लौरोले पनि १८१ नै ल्याएको छ ।गठबन्धनकी साझा उम्मेदवार सिर्जना सिंहले १४२ भोट पाएकी छन् । कोर एरिया प्रवेश गरेकै छैन, कोर एरियामा पसेपछि म अघि आउँछु’ यसै भनेका थिए स्थापितले । तर, उनको अपेक्षा बिपरीत मत आउन थालेको छ ।
