उदयपुर, ४ जेठ :
बेलका नगरपालिका ४ मा वडा अध्यक्षमा ३ मत अन्तरले तीर्थराज अधिकारी बिजयी भएका छन् । नेपाली काग्रेसबाट उम्मेदवारी दिएका अधिकारीले ३ मतको झिनो अन्तरले प्रतिस्पर्धी एमालेका कोपिलाप्रसाद अधिकारीलाई पराजित गरेका छन् । विजेता तिर्थराज अधिकारीले ५०६ मत प्राप्त गर्दा एमालेका कोपिलाप्रसाद अधिकारीले ५०३ मत प्राप्त गरेका थिए ।
त्यसैगरी नेकपा एकीकृत समाजवादीका जीतबहादुर मगरले ४०८ मत, नेकपा माओवादी केन्द्रका बिदुर दाहालले ३२७ मत, राष्ट्रिय प्रजातन्त्र पाटीका एकलब्य गुरुङले २०३ मत, किराँत खम्बुवान साझा पाटीले १० मत प्राप्त गरेका थिए ।
त्यस्तै प्रभू साहको निर्वाचन क्षेत्रमा पर्ने रौतहटको मौलापुर नगरपालिकाको मेयरमा नेकपा एमाले विजयी भएको छ । साहकी पत्नी रीनाकुमारी मौलापुरको मेयरमा निर्वाचित भएकी हुन् ।
उनले ५ हजार ५६४ मत पाउँदा गठबन्धनका उम्मेदवार रमप्रवेश साहले ३०६२ मत पाए । रीनाकुमारी २०७४ सालको निर्वाचनमा माओवादीको तर्फबाट मेयर निर्वाचित भएकी थिइन् ।
प्रभू साह माओवादी केन्द्र छाडेर एमाले प्रवेश गरेका थिए ।
