इलामको देउमाई नगरपालिकामा एमाले बिजयी भएको छ । नगरपालिकाको प्रमुख र उपप्रमुख दुबै पदमा नेकपा एमालेले जितेको हो । नगर प्रमुखमा सूर्य पोख्रेलले ८ हजार ६९५ मत र उपप्रमुखमा पविमाया राई ८ हजार ५६३ मतका साथ निर्वाचित भएका हुन् । दुबै जना पुनः दोश्रो कार्यकालका लागि निर्वाचित भएका हुन् ।
गठबन्धनको तर्फबाट नगर प्रमुखको उम्मेदवार बनेका कांग्रेसका होम दुलाल भने पराजित भएका छन् । उनले जम्मा ७ हजार ६२२ मत र उपप्रमुख माओवादी केन्द्रका राम राईले ५ हजार ७६५ मत पाए ।
