काठमाडौ ४ जेठ । काठमाडौं महानगरपालिकाको मयेर पदका उम्मेदवार नेकपा एमालेका केशव स्थापितले आफ्नो वडामा सुरूवाती अग्रता लिएका छन् । वडा नम्बर २८ मा भइरहेको मतगणनामा स्थापितले अग्रता लिएका हुन् ।
पछिल्लो मत परिणाम अनुसार २०० मत गन्दा स्थापितले ६० मत पाएका छन् । भने बालेजले ४६ मत पाएका छन् । नेपाली कांग्रेसकी सिर्जना सिंहले भने ३३ मत पाएकी छन्।
अहिले २८ सहित वडा नम्बर ४, ६, ७, २९, ३०, ३१ र ३२ को मतगणना भइरहेको छ । अहिले सम्म ४५ हजार २ सय ८९ मत गणना भइसकेको छ । जसमा बालेनले १७ हजार ६ सय ४३ मत पाएका छन्।
स्थापितले भने ९ हजार ११० मत पाएका छन्। सिंहले भने ८ हजार १६७ मत पाएकी छन्।काठमाडौंको वडा नम्बर १, २, ३, र ५ को मतगणना सम्पन्न भइसकेको छ ।
