खोटाङ ४ जेठ । खोटाङको दिक्तेल रुपाकोट मझुवागढी नगरपालिकामा मेयरमा कांग्रेस र उपमेयरमा नेकपा माओवादी केन्द्र विजयी भएको छ ।
सत्ता गठवन्धनको समर्थन रहेको उक्त नगरपालिकामा कांग्रेसका मेयर उम्मेदवार तिर्थराज भट्टराईले ११ हजार ३८९ ल्याई विजयी भएका हुन् । उपमेयरमा भने माओवादी केन्द्रका उम्मेदवार बिसन राईले १० हजार ४३८ मत ल्याई विजयी भएका हुन् ।
भट्टराईले नेकपा एमालेका उम्मेदवार कुमार आचार्यलाई हराएका हुन् । आचार्यले ६ हजार ९९६ मत पाएका छन् । यता राईले नेकपा एमालेका विणादेबी राईलाई पराजित गरेका हुन् । उनले ७ हजार ३१९ पाएकी थिइन् ।
१५ वटा वडा रहेको उक्त नगरपालिकामा माओवादी केन्द्रले ६, कांग्रेसले ४, एमालेले ३ र जसपाले २ वडा अध्यक्ष जितेको छ ।
