नेकपा एकीकृत समाजबादीका बरिष्ठ नेता झलनाथ खनाललाई आफ्नै गृहजिल्ला ईलाममा झट्का लागेको छ । उनको गृहजिल्लाको माईजोगमाई गाउँपालिकामा नेकपा एमालेले जित हाँसिल गरेको छ । एमालेका उम्मेदवार कुशबहादुर थेवे ५ हजार १३५ मत प्राप्त गर्दै अध्यक्षमा निर्वाचित भएका छन्। निकटम प्रतिद्वन्द्वी गठबन्धनबाट एकीकृत समाजवादीका जितबहादुरले ४ हजार ९१३ मत ल्याएर पराजित हुन पुगेका छन्। पराजित राई निवर्तमान गाउपालिका अध्यक्ष समेत रहेका छन् ।
उपाध्यक्षमा गठबन्धनबाट नेपाली कांग्रेसकी प्रविना राई ५ हजार १५९ मत प्राप्त गर्दै निर्वाचित भएकी छिन् । निकटम प्रतिद्वन्द्वी नेकपा एमालेकी सावित्रा भट्टराइले ४ हजार ८८३ मत प्राप्त गरिन्। पालिकाको वडा नम्बर १ ,४ र ५ मा एमालेको प्यानलनै बाजी मार्दा २ र ३ मा गठबन्धन प्यानल आएको छ । उता ६ नम्बर वार्डमा एमालेले वडाध्यक्ष पद जितेको छ ।
