सबैको चासोको बिषय बनेको पोखरा महानगरपालिकाको पछिल्लो मत परिणाम सार्वजनिक भएको छ । पोखरामा नेकपा एकीकृत समाजवादीले अग्रता कायम राखेको छ । गठबन्धनका तर्फबाट समाजबादीका मेयर पदका उम्मेद्धार धनराज आचार्यले अग्रता बढाउँदै लगेका छन् । आचार्यले १२ हजार ३६४ मत ल्याएर अग्रस्थानमा रहेका छन् । उनका निकट्तम प्रतिद्धन्दी नेकपा एमालेका उम्मेदवार कृष्ण थापाले १० हजार ५५७ मत पाएका छन् ।
आचार्यले थापाले भन्दा १ हजार ८०७ मत बढी ल्याएर अगाडी रहेका छन् ।त्यस्तै राष्ट्रिय प्रजातन्त्र पार्टीका शंकरप्रसाद खरालले एक हजार ३१३ र स्वतन्त्र उम्मेदवार गनेस पौडेलले ७०० मत पाएका छन् । उपप्रमुखमा भने गठबन्धनका तर्फ बाट उपमेयरकी उम्मेद्धार नेपाली कांग्रेसकी कोपिला रानाभाट अगाडी रहेकी छिन् । उनले पनि एमालेकी मञ्जुदेबी गुरुङ संग मतान्तर बढाउँदै लगेकी छन् । उनले १२ हजार ६५८ मत पाएकी छन् भने नेकपा एमालेकी मञ्जुदेवी गुरुङले १२ हजार ४१ मत पाएकी छन् ।
