चितवन ३ जेठ । नेकपा माओवादी केन्द्रका अध्यक्ष प्रचण्डको निर्वाचन क्षेत्रमा माडी नगरपालिकामा नेकपा एमालेले जितेको छ । एमालेका उम्मेदवार ताराकुमारी काजी महतोले ९ हजार ९०१ मत ल्याउँदै विजयी भएकी हुन् ।
उनले गठबन्धनका उम्मेदवार ऋषि काफ्लेलाई २ हजा १७२ मतको फराकिलो अन्तरले पराजित पारेकी हुन् । काफ्लेले ७ हजार ७२९ मत ल्याएर पराजय भोगेका हुन् ।
उपमेयरमा भने कांग्रेसका उम्मेदवार खेम महतो विजयी भएका छन् । उनले ६ हजार ८३० मत ल्याएका छन् । स्वतन्त्र उम्मेवार बनेका कृष्ण पौडेलले भने ३ हजार ८६ मत ल्याएका छन् ।
९ वटा वडा रहेको माडीमा एमाले वडा नं. ६ राप्रपाले वडा नं. १ र ८, माओवादीले २,४,५ र ९, समाजवादीले ३ र ७ मा जित हासिल पारेको छ ।
ताराकुमारी काजी महतो एमाले(राप्रपा गठबन्धनकी उम्मेदवार हुन् ।
