मतगणना भईरहेको बेला कांग्रेसको बिरोधका कारण रोकिएको मोरंगको रंगेली नगरपालिकाको मतगणना फेरी सुरु देखी हुने भएको छ । ४६ घण्टा यता सुरु भएको मतगणना अघिल्लो मतगणनामा प्राप्त भएको मत परिणामलाई नमान्ने गरि फेरि सुरु गरिएको हो । यसअघि रंगेलीमा ३१३२ मत गणना भईसकेको अवस्थामा कांग्रेस सहितका दलले बिरोध जनाए पछि रोकिएको थियो ।
पहिलो चरणमा रंगेलीमा १, २ र ३ नम्बर वडाको मतगणना जनता क्याम्पसमा भइरहेको थियो। पहिले गनेको मत फेरि दोहोर्याउने गरी अहिले पुरानै वडाबाट पुनः गणना थालिएको छ। ९ वटा वडा रहेको रंगेलीमा लोकतान्त्रिक समाजवादी पार्टी लोसपा, नेकपा माओवादी केन्द्र, सिके राउत नेतृत्वको जनमत पार्टी समेतले गठबन्धनलाई सहयोग गरेका थिए । रंगेलीमा नेकपा एमाले र राप्रपा पनि एक्लाएक्लै चुनावी मैदानमा प्रतिष्पर्धामा रहेका छन्।
