चितवनको भरतपुर महानगरपालिकाको पछिल्लो मत परिणाम सार्वजनिक भएको छ । सबैको चासो र चर्चाको बिषय बनेको मा भरतपुरमा गठबन्धनकी उम्मेद्वार रेनु दाहाल र एमालेका बिजय सुबेदी बीच सुरुवात देखी नै कडा प्रतिष्पर्धा देखिएको छ । पछिल्लो मत परिणाम अनुसार रेनुले जम्मा १५ मतको अग्रता लिएकी छिन् । रेनुले ५ हजार ३ सय ८२ मत पाएकी छन् ।
उनलाई एमालेका विजय सुवेदीले पछ्याई रहेका छन् । सुबेदीले ५ हजार ३ सय ६७ मत पाएका छन् । कांग्रेसका बागी उम्मेद्वार २ हजार ५ सय ७७ मत ल्याएका छन् ।केही समय अगाडी एमालेका सुवेदीले अग्रता लिँदा अहिले भने रेनुले फेरि अग्रता लिएकी हुन् । दुबै जना बीच एकदमै कडा प्रतिष्पर्धा देखिएकोले यस महानगरको मत परिणाममा सबैको चासो रहेको छ ।
