यसपालीको स्थानीय निर्वाचनमा स्वतन्त्र उम्मेद्धारहरुले जित्ने क्रम जारी रहेको छ । मुलुका बिभिन्न स्थानमा कतिपय उम्मेद्धार बिजयी भएका छन् भने कतिपय स्थानमा अग्रता कायमै नै राखेका छन् । काठामाण्डौकै सवालमा मेयर पदका स्वतन्त्र उम्मेद्धार बालेन्द्र शाहले उनका निकट्तम प्रतिद्धन्दी केशब स्थापित भन्दा दोब्बर मत ल्याएर आफ्नो गर्विलो उपस्थिती जनाई रहेका छन् । यसैक्रममा झापाको बाह्रदशी गाउँपालिका वडा नम्बर ४ मा स्वतन्त्र उम्मेदवारको प्यानल नै विजयी भएको छ ।
वडाध्यक्षमा महताब आलम विजयी भएका हुन । उनले ७५२ मत प्राप्त गरे । उनको निकटतम प्रतिद्वन्दी नेकपा माओवादी केन्द्रका समिम मियाले ५९१ मत प्राप्त गरेका थिए । त्यस्तै स्वतन्त्र उम्मेद्धारहरुमा महिला सदस्यमा कल्पना श्रेष्ठ ७५२, दलित महिला सदस्यमा सुमित्रादेवी मोची ७३५, वडा सदस्यहरुमा विवेककुमार गणेश ७२० र बलबहादुर बानियाँ ६८५ मत सहित विजयी बनेका छन ।
