काठमाडौ २ जेठ । तारकेश्वर नगरपालिकाको मेयरमा नेपाली कांग्रेसका कृष्ण हरी महर्जनले आफ्नो अग्रता कायमै राखेका छन् । पछिल्लो मत परिणाम अनुसार महर्जनले ८ हजार ८ सय ५५ मत प्राप्त गरेका छन् ।
उनका प्रतिद्धन्दी निर्वतमान नेकपा एमालेका मेयर पदका उम्मेदवार रामेश्वर बोहराले भने ५ हजार ९ सय ८७ मत ल्याएका छन्। यता नेकपा एकिकृत समाजवादी पार्टीका लवकुमार बस्नेतले १ हजार ७ सय ३२ मत ल्याएका छन् ।
राष्ट्रिय प्रजातन्त्र पार्टी राप्रपाका बसन्तकुमार बस्नेतले भने १ सय २३ मत पाउँदै चौथों स्थानमा परेका छन् । त्यसैगरी तारकेश्वर नगरपालिकाको उपमेयरमा पनि कांग्रेसका सृजना बुर्लाकोटीले ८ हजार १ सय ८३ मत सहित अग्रस्थानमा रहेकी छन् ।
उनलाई पछ्याउँदै एमालेकी भवानी डोटेलले ६ हजार १ सय २१ मत ल्याएकी छन् ।
