सिराहा, २ जेठ -सिराहाको कर्जन्हा नगरपालिका–२ मा गएराती मोटरसाइकल दुर्घटना हुदाँ चालकको मृत्यु भएको छ । मृत्यु हुनेमा मोटरसाइकल चालक मोरङको रंगेली नगरपालिका–९ का ३८ वर्षीय उमेश बिश्वकर्मा रहेका छन् ।
दुर्घटनामा गम्भीर घाइते भएका उनको उपचारको क्रममा फुलकुमारी मेमोरियल अस्पताल कर्जन्हामा मृत्यु भएको प्रहरीले जनाएको छ ।
घाइते भएका मोटरसाइकलमा पछाडी सवार एक जनाको सोही अस्पतालमा उपचार भइरहेको छ । सडक पार गर्दै गरेको चौपायालाई बचाउने क्रममा प्रदेश १–०२–०४५ प ८८८७ नम्बरको मोटरसाइकल गएराती सवा ११ बजे अनियन्त्रित भइ पल्टिएको ईलाका प्रहरी कार्यालय बन्दिपुरले जनाएको छ ।
