सोलुखुम्बुको थुलुङ दुधकोसी गाउँपालिकामा माओबादी केन्द्रले जित निकालेको छ । अध्यक्ष पदमा माओवादी केन्द्रका असिम राई निर्वाचित भएका छन् । राई ४ हजार ४९ मत प्राप्त गर्दै निर्वाचित भएका हुन् । उनका निकटतम प्रतिद्वन्द्वी नेपाली कांग्रेसका वीरबहादुर गुरुङले ३ हजार ५ सय ११ मत प्राप्त गरे भने एमालेका आङबाबु राई १ हजार ६ सय १ मत ल्याए ।
त्यस्तै उपाध्यक्षमा माओवादीकै सविता राईले ३ हजार ८ सय मत ल्याउँदै विजयी भइन् । उपाध्यक्षमा कांग्रेसकी एकाकुमारी कार्कीले ३ हजार ५ सय २३ र कल्पना गिरी १ हजार ७ सय ४६ मत ल्याइन्। असिम र सविता यसअघि अध्यक्ष र उपाध्यक्ष पदमा कार्यभार सम्हालेका थिए । माओवादी केन्द्रले २, ५, ७, ८ र ९ वडामा अध्यक्ष पद जितेको छ। १, ३, ४ र ६ मा भने कांग्रेस विजयी भएको छ।
