इलाम १ जेठ । इलामको रोङ गाउँपालिका वडा नम्बर १ भाईलाई हराउँदै दाजु निर्वाचित भएका छन् ।
नेपाली कांग्रेसबाट वडा अध्यक्षमा उम्मेदवारी दिएका मनोहरि खड्काले नेकपा एमालेबाट उम्मेदवार दिएका भाई मनोज खड्कालाई सय भन्दा बढी मतले पराजित पारेका हुन् ।
मनोहरिले ६१० मत पाएका थिए भने मनोजले ४८८ मत पाएर पराजय भएका हुन् । वडा सदस्यमा भने एमालेकी दलित महिला उम्मेदवार लक्ष्मी नेपालीबाहेक सबै पद नेपाली कांग्रेसका सदस्य विजयी भएका छन् ।
त्यसै गरी, जिल्लाको वडा नम्बर १ मा पनि नेपाली कांग्रेसले अग्रता लिएको छ । कांग्रेसका उम्मेदवार सुवास तामाङले ६९७ मत पाउँदा एमालेको मेहरमान तामाङले ४८४ मत ल्याएका छन् । उपाध्यक्ष पदमा पनि नेपाली कांग्रेसले नै अग्रता लिएको छ ।
