काठमाडौं महानगरको मेयर पदका स्वतन्त्र उमेदवार बालेन शाहले आफ्नो अग्रतालाई बलियो बनाउँदै लगेका छन् । उनले आफ्ना निकटतम् प्रतिद्धन्दी एमालेका केशव स्थापित भन्दा ३५७ मत बढी ल्याएर आफ्नो अग्रतालाई कायमै राखेका हुन् । पछिल्लो पटक सार्वजनिक गरिएको मतगणना अनुसार बालेनले १ हजार २२८ मत प्राप्त गरेका छन् ।
एमालेका केशव स्थिापितले ८७१ मत ल्याएका छन् । त्यस्तै गठबन्धनको तर्फबाट नेपाली कांग्रेसकी उमेदवार सिर्जना सिंहले ६९९ मत प्राप्त गरेकि छिन् । काठमाण्डौ महानगरपालिकामा अहिले ३ हजार ६२७ मत गणना भईसकेको छ । यसअघि ३ हजार २५९ मत गणना हुँदा बालेन प्रतिद्धन्दी स्थापित भन्दा २१५ मतले अगाडि रहेका थिए ।
