रौतहट ३० वैशाख । रौतहटको यमुनामाई गाउँपालिकाको वडा नम्बर १ को चिकना जेठरहिया ‘क’ मतदान स्थल र वडा नम्बर २ को एक मतदान स्थलबाट मतपेटिका लुटिएको हो ।
बिहानै देखि उक्त स्थानमा नेपाली कांग्रेस, नेकपा एमाले र जनता समाजवादी पार्टीका कार्यकर्ताबिच झडप भइरहेको थियो ।
आक्रोशित भीडले मतदान केन्द्र कब्जामा लिएर मतपेटिका जफत गर्नुको बाँकी रहेको मतपत्र च्यातेका छन् ।
लुटेर लगिएको मतपत्र पानी हालेको अवस्थामा बरामत भएको प्रहरीले जनाएको छ । निर्वाचन अधिकृत हरिप्रसाद शर्माले भने दुवै स्थानको मतदान रद्द भएको जानकारी गराएका छन् ।
