काठमाडौं २९ वैशाख । बुद्ध जयन्तीका अवसर पारेर भारतीय प्रधानमन्त्री नरेन्द्र मोदी सोमबार लुम्बिनीको भ्रमणमा आउने भएका छन्। प्रधानमन्त्री शेरबहादुर देउवाको निमन्त्रणामा मोदी नेपाल आउने भएका हुन् ।
प्रधानमन्त्री देउवाले मोदी र भारतीय प्रतिनिधि मण्डलको सम्मानको लागि दिवा भोज समेत गर्ने भएका छन् । लुम्बिनीको मायादेवी मन्दिरमा मोदी र देउवाले एकैसाथ पूजाअर्चना गर्ने कायक्रम रहेको छ ।
बिहार क्षेत्रमा बौद्ध संस्कृति र सम्पदा केन्द्रको शिलान्यास समेत गरिने भएको छ । त्यसपछि दुवै बिच दुई पक्षीय औपचारिक वार्ता हुने बताइएको छ ।
मोदी पहिलो पटक लुम्बिनीको भ्रमणमा आउने भएका हुन् ।
