काठमाडौं २७ वैशाखमा । मौन अवधि सुरु हुन केहि समय बाँकी रहँदा सत्ता गठवन्धनहरुले संयुक्त अपिल पत्र जारी गरेका छन् ।
मंगलबार राति १२ बजेदेखि मौन अवधि सुरु हुँदैछ । जनताको सुख, दुःखमा एकसाथ रहने प्रतिवद्धता साथ गठवन्धनले अपिल पत्र जारी गरेको हो ।
अपिलमा भनिएको छ, ‘स्थानीय निर्वाचनले लोकतन्त्रको रक्षा गर्ने छ,’ अर्को अर्थमा स्थानीय तह नै लोकतन्त्रको प्राणवायु हो । गठबन्धनको बलमा मुलुकको विकास, समृद्धि र लोकतन्त्रको जगेर्ना सम्भव छ । यसर्थ गठबन्धनको पक्षमा मतदानका लागि यहाँहरुले विवेकको प्रयोग गर्नुहुने विश्वास लिएका छौं । यस क्षणमा हामी सदैव जनताको सुख, दुःखमा एकसाथ रहने प्रतिबद्धता जाहेर गर्दछौं ।’
गठबन्धनमा रहेका दलहरुबीच तालमेलको अधिक प्रयत्नका बावजुद कतिपय पालिकामा ‘मैत्रीपूर्ण प्रतिस्पर्धा’ गर्ने सहमति भएको सबैलाई विदितै भएको भन्दै अपिल पत्रमा उल्लेख गरिएको छ, मतदानको सन्निकट आइपुग्दै गर्दा ‘मैत्रीपूर्ण प्रतिस्पर्धा’ मा उत्रेका विभिन्न पालिकाका विभिन्न पदका आफ्ना पार्टीका उम्मेदवारको अवस्था आकंलन गरी विजयको नजिक रहेका गठबन्धन दलका उम्मेदवारलाई मतदान गर्न पार्टी तहमा आह्वान गर्दछौं ।’
गठवन्धनको संयुक्त अपिल यस्तो छ ,
