काठमाडौं २७ वैशाख । नेपाली कांग्रेसका नेता प्रकाशमान सिंहले आफूलाई मात्रै नभएर पुरै टिमको लागि नै भाग माग्नु पर्ने बताएका छन् ।
मंगलबार बिहान चन्द्रागिरि नगरपालिकामा आयोजित चुनावी सभालाई सम्बोधन गर्दै नेता सिंहले आफ्नो टिमलाई नजिताइकन आफूले मात्रै जित्ने सपना नदेख्न चेतावनी दिँदै यस्तो बताएका हुन् ।
‘वडाध्यक्षहरुले आफ्नो वडासदस्य, मेयर र उपमेयरलाई भोट मोर अगाडि जानुपर्छ ।’ सम्बोधनमा’ उनले भने । चन्द्रागिरि नगरपालिकामा सत्ता गठबन्धनका नेपाली कांग्रेस, माओवादी केन्द्र र राष्ट्रिय जनमोर्चाबीच चुनावी तालमेल भएको छ ।
आफ्नो टिम, मेयर, उपमेयर, वडाध्यक्ष, सदस्यलाई जिताउने गरि प्रचार-प्रसार प्रचार गरे मात्र राम्रो हुने बताएका उनले भने , ‘आफैं जितौं, आफैं जितौं भन्ने त्यो आफ्नो ठाउँमा होला तर टिमले नजितिकन आफूले मात्रै जित्ने भन्ने सपना नदेखेहुन्छ’ ।
