काठमाडौं २७ वैशाख । भारोत्तोलनकी खेलाडी सन्जु चौधरी मृत अवस्थामा फेला परेकी छन् ।
जिल्ला प्रहरी परिसर, ललितपुरले दिएको जानकारी चौधरी बन्द कोठाभित्र झुण्डिएको अवस्थामा बिहान साढे ६ बजे मृत अवस्थामा फेला परेकी हुन् ।
प्रहरीको प्रारम्भिक अनुशन्धान अनुसार चौधरीले आत्महत्या गरेको हुन सक्ने आशंका गरिएको छ ।
घटना स्थल वरिपरि कुनै पनि सुसाइट नोट नभेटिएको प्रहरीले जनाएको छ । अहिले मृत चौधरीको शव पोष्मार्टमको लागि पाटन अस्पताल लैजाने भइरहेको छ ।
चौधरीले गएको सन् २०१९ को डिसेम्बरमा नेपालमा आयोजित १३ औं दक्षिण एसियाली खेलकुदमा ऐतिहासिक स्वर्ण पदक जितेकी थिइन् ।
हाल उनी प्रशिक्षकको घरमा बसेर १९ औं एसियाली खेलकुदको तयारी गरि रहेकी थिएइन् ।
