काठमाडौ २६ वैशाख । नेपाली कांग्रेसका सभापति एवं प्रधानमन्त्री शेरबहादुर देउवाले आफ्नो पार्टीलाई जिताउन आग्रह गरेका छन् ।
देउवाको गृह जिल्ला डडेलधुराको गाउँपालिका गन्यापधुरा–२ बडालमा आयोजित चुनावी सभालाई आज सम्बोधन गर्दै देउवाले कांग्रेसलाई अत्यधिक बहुमतले विजय गराउन आग्रह गरेका हुन् ।
‘यहीँ मेरो घर हो र गाउँ पनि हो । यस कारण यहाँको शैक्षिक विकास, प्राविधिक शिक्षालगायतका सबै क्षेत्रमा मैले विकास गर्नेछु ।’ सम्बोधनमा उनले भने ।
भातकाँडा–रुवाखोला–बडाल–रेल सडकलाई कालोपत्र गर्ने गर्ने बताएका उनले आफु विद्यालय पढ्दा हिँडेर जाने ठाउँमा अहिले बाटो पुगिसकेको समेत उनले बताएका छन् । ‘अब कालोपत्र गर्नु पर्नेछ । त्यो सबै मैले गर्ने हो ।’ उनले भने ।
