इंग्लिस प्रिमियर लिग फुटबलमा आर्सनलले लिड्स युनाईटेडलाई पराजित गरेको छ । आइतबार भएको खेलमा आर्सनलले लिड्स युनाईटेडलाई २-१ गोल अन्तरले पराजित गरेको हो । आर्सनलको जितमा एडी एनकेटिया नायक बने । उनले दुई गोल गरे । खेलको पाँचौं मिनेटमा एडीले गोल गर्दै आर्सनललाई सुरुआती अग्रता दिलाएका थिए । दशौँ मिनेटमा एडीले व्यक्तिगत दोस्रो गोल गर्दै आर्सनललाई २-० को अग्रता दिलाए ।
खेलको २७ औं मिनेटमा लुक एलिङले रातो कार्ड पाएपछि लिड्स १० खेलाडीमा समेटियो । त्यसपछि खेलको ६६ औं मिनेटमा लिड्सका डिएगो लोरेन्टले गोल गरेपनि आर्सनल २-१ ले विजयी भयो । जितसँगै आर्सनलले ३५ खेलमा ६६ अंक जोडेको छ । आर्सनल चौंथो स्थानमा रहेको छ । लिड्स ३४ अंक जोडेर १८ औं स्थानमा रहेको छ । अर्को खेलमा एभर्टनले लेस्टर सिटीलाई २-१ ले हराएको छ । वेस्ट ह्यामले नर्विचलाई ४-० ले हराएको छ ।
