काठमाडौं । लोकप्रिय हाँस्य अभिनेता सन्दीप क्षेत्रीले गठबन्धनबाट भरतपुर महानगरको मेयरका उम्मेदवार रेणु दाहाललाई मतदान गर्न अपिल गरेका छन् ।
भरतपुरमा आयोजना गरेको चुनावी सभालाई सम्बोधन गर्दै कलाकार क्षेत्रीले रेणुले भरतपुरको मुहार नै फेरेको उल्लेख गर्दै रेणुले अझै विकाश गर्न सक्ने दाबी गरे । कलाकार क्षेत्रीले पहिलोपटक मेयर हुँदा रेणुले गरेको विकासबाट प्रभावित भएको भन्दै पुनः मतदान गरेर जिताउन आग्रह गरेका हुन् ।
रेणु दाहाललाई दिदी भन्दै सम्बोधन गरेका क्षेत्रीले रेणु समग्र चितवनकै दिदीबहिनी भएको र आगामी दिनमा पनि भरतपुरको अझै विकाश गर्न सक्ने विश्वास व्यक्त गरे ।
उनले भने तिहारको भाइटिकामा लगाइने कहिल्यै नओइलीने मखमली माला, सप्तरङ्गी टिका र ओखरको प्रसङ्गसँग जोड्दै चेलीले माइतीको सुरक्षाको लागि गर्ने कामना जसरी चितवनको नेतृत्व र सुरक्षा गर्ने रेणुसँग आग्रह गरेका सन्दीपले काम गर्न नसके फेरी पृत्रीको श्राप पनि लाग्ने भन्दै सचेत गराए ।
