काठमाडौं २३ वैशाख । जनता समाजवादी पार्टी जसपाका नेता राजेन्द्र श्रेष्ठले नेकपा एमालेका अध्यक्ष केपी शर्मा ओली थारो गाई भएकाले नब्याउने भन्दै थारो गाईलाई दाना खुवाएर केही नहुने बताएका छन् ।
काठमाडौमा शुक्रबार आयोजित आम सभालाई सम्बोधन गर्दै नेता राजेन्द्रले यस्तो टिप्पणी गरेका हुन् । थारो गाईलाई दाना खुवाएर जनताले अपेक्षा गर्नु बेकार भएको बताएका उनले गएको निर्वाचनमा ओलीको उखान टुक्का सुनेर, जनताले बहुमत दिएको बताएका छन् ।
‘ओली आयो भनेर यसले लोकतन्त्र बचाउला भनेर उसलाई दाना खुवाएको, संघीयता कार्यान्वयन गर्ला भनेर घाँस खुवाएको थियो। थारो गाई पर्यो ब्याउँदै ब्याउँदैन। थारो गाईलाई दाना खुवाएर यहाँको संस्कृति बच्छ, संविधान बच्छ ?’ उनले भने ।
लोकतनत्र बलियो बनाउन पनि गठबन्धनलाई स्थानीय तह निर्वाचनमा जिताउनु पर्नेमा जोेड दिएका उनले सभालाई सम्बोधन गर्दै भने,लोकतन्त्र आज पनि बलियो भइसकेको छैन। संघीयताको कार्यान्वयन भइसकेको छैन
