काठमाडौं २३ वैशाख । सत्ता गठबन्धनको तर्फबाट काठमाडौं महानगर प्रमुखकी साझा उम्मेदवार सिर्जना सिंहले आफूले मेयर जिते महानगरलाई ‘महाघर जस्तो गरी चलाउने बताएकी छन् ।
शुक्रबार काठमाडौंमा आयोजित संयुक्त आमसभालाई सम्बोधन गर्दैै उम्मेदवार सिंहले यस्तो बताएकी हुन् ।
कहिले पनि मतदाताको शीर निहुरिन नदिने दावी गरेकी उनले महनगरलाई महान घर बनाउने बताएकी हुन् । ‘माहनगरलाई महान घर बनाउने छु । म काठमाडौंलाई ‘महाघर’ जस्तो गरेर चलाउँछु ।’ उनले भनिन् ।
महानगरलाई सबै जातजातिको, सबैलाई सम्मान गर्ने र सबैको अपनत्व महसुस हुने महानगर बनाउने प्रतिवद्धता जनाएकी उनले काठमाडौंमा आफ्नो सम्पदा संरक्षण गर्ने, हरियाली बढाउने लगायतका आफ्ना एजेन्डा रहेको पनि बताएकी छन् ।
