कैलाली २३ वैशाख । बाजुरामा चुनाव प्रचारप्रसारको क्रममा सरकारमा सहभागी नेपाली कांग्रेस र नेकपा एकीकृत समाजवादीका कार्यकर्ताबीच झडप भएको छ ।
जिल्लाको बुढीनन्दा नगरपालिका- ९ मा नेकपा एसका कार्यकर्ताले कुकुरलाई हिर्काएको आरोपमा झडप सुरू भएको हो ।
कांग्रेसको कार्यकर्ताको हिकाईबाट घाइते भएका नेकपा एसका कार्यकर्ता प्रहरी कार्यालय पुगेपछि कांग्रेसका कार्यकर्ताहरूले प्रहरी कार्यालय तोडफोड गरेको प्रहरीले जनाएको छ ।
प्रहरीले घटना नियन्त्रण गर्नको लागि हवाई फायर समेत गरेको छ । उक्त झडपमा प्रहरीतर्फ तीनजना र कांग्रेसका तीनजना घाइते भएको प्रहरीले जनाएको छ ।
