काठमाडौं २३ वैशाख । राप्रपाबाट मेयरको उम्मेदवार बनेका खेमप्रसाद गौतमको गाडीमा आगजनी भएको छ ।
मोरङको बेलबारी नगरपालिकाका मेयरका उम्मेदवार गौतमको बा १२ च ९३८४ नम्बरको कारमा आगजनी भएको हो । शुक्रबार बिहानपख करिब २ बजे बेलबारी–२ स्थित घरमै पार्किङ गरेर राखेको अवस्थामा आगजनी भएको हो ।
गौतमले पार्टीको झण्डा तथा मेयर र उपमेयरका उम्मेदवारको फोटोसहितको ब्यानर राखेर प्रयोग गर्दै आएका थिए ।
प्रहरीले आगजनी गरेको अभियोगमा सुन्दरहरैंचा नगरपालिका–१२ का अन्दाजी २८ वर्षीय सुवास पाण्डेलाई पक्राउ गरेको छ ।
घटनाको विषयमा थप अनुशन्धान भइरहेको प्रहरीले जनाएको छ ।
