चितवन २२ वैशाख । नेपाली कांग्रेसका सभापति शेरबहादुर देउवाले गठबन्धन टुटाउने षड्यन्त्र भइरहेकोले भरतपुरको विषयलाई लिएर बखेडा नगन आग्रह गरेका छन् ।
बिहिबार चितवनमा आयोजित सत्ता गठवन्धनको चुनावी सभालाई सम्बोधन गर्दैै प्रधानमन्त्री समेत रहेका देउवाले यो पटक भरतपुर माओवादीलाई छोडिदिन आग्रह गरेका छन् ।
‘षड्यन्त्रमा फस्यो भने हाम्रो पार्टी खतम हुन्छ,यो गठबन्धन टुटाउने षड्यन्त्र चितवन, भरतपुरबाट हुनै सक्दैन ।’ देउवाले सभालाई सम्बोधन गर्दै भने ।
यस पटक माओवादीलाई सहयोग गर्न आग्रह गरेका देउवाले भने, ‘उहाँलाई पछि छोडिदिनुस्, हामीलाई सहयोग गर्न भनौंला । उहाँलाई यो पटक सहयोग गरेर हेर्नुपर्यो । त्यसैले उहाँलाई जिताउनु हाम्रो कर्तव्य हो ।’
