काठमाडौं २२ वैशाख । नेपाली कांग्रेसका वरिष्ठ नेता रामचन्द्र पौडेलले कांग्रेसको प्रतिपस्र्धा प्रचण्डसँग नभएर एमाले अध्यक्ष केपी ओलीसँग भएको बताएका छन् ।
ओलीले मुलुकलाई अस्थिरतातिर लैजान खोजेकाले आफुहरुले गठवन्धन गर्नुपरेको बताएका उनले कांग्रेसको प्रतिस्पर्धा केपी ओली प्रवृत्तिको एमाले पार्टीसित भएको स्पष्ट पारेका छन् ।
बिहिबार चितवनमा आयोजित सभालाई सम्बोधन गर्दै वरिष्ठ नेता पौडेलले भने , ‘केपी ओली केपी ओली हाम्रो प्रतिस्पर्धी हो, प्रचण्ड होइन म हाम्रा चितवनका साथीहरुलाई भन्न चाहन्छ ।’
माओवादी केन्द्रसँग सहकार्य गर्नु परिस्थितिको उपज भएको तर्क दिएका नेता पौडेलले धर्यता राख्न नसकेर चाँडै उठेर जान खोजेको भन्दै वागी उम्मेदवार जगन्नाथ पौडेललाई भनेका छन् ।
