काठमाडौ २२ वैशाख । नेपाली कांग्रेसका महामन्त्री गगन थापाले सूर्यमा मतदान गर्ने महिलाहरुको काठमाडौं मेयरका उम्मेदवार केशव स्थापितले अपमान गरेको बताएका छन् ।
बिहीबार काठमाडौं महानगरका क्रियाशील सदस्यको प्रशिक्षण कार्यक्रममा सम्बोधन गर्दै थापाले स्थापितले सिंंगो महिला जगतको अपमान गरेको बताएका हुन् ।
सम्बोधनका क्रममा उनले एमालेबाट उपमेयर पदको उम्मेदवार सुनीता डंगोलको समेत अपमान भएको बताएका उनले भने , ‘सूर्यमा मतदान गर्ने महिलाहरुको पनि अपमान हो । स्वयं उहाँकै उपमेयरको उम्मेदवारको पनि अपमान हो ।’
गत वैशाख १५ गते एक कार्यक्रममा सोधिएको हिंसाको आरोपबारे प्रश्नमा स्थापितले अपमानजनक टिप्पणी गरेका थिए ।
साथै, उनले एमालेका कारण पाँच वर्ष खेर गएको भन्दै यसको जिम्मा कसले लिने भनेका छन् ।
