काठमाडौ २२ वैशाख । नेपाली कांग्रेसका सभापति शेरबहादुर देउवाले नेता शेखर कोइरालालाई चितवनको चुनावी सभामा सहभागी हुन भन्दै टेलिफोन गरेका छन् ।
बुधबार कोइरालाको सचिवालयले . रेणु दाहाललाई भोट माग्न कोइराला चितवन नआउने जानकारी दिएपछि प्रधानमन्त्री समेत रहेका देउवाले कोइरालालाई टेलिफोन गरेका हुन् ।
बिहिबार बिहान देउवाले फोन मार्फत भरतपु आउन आग्रह गर्दा कोइरालाले आफु कार्यव्यस्तताका कारण आउन नसक्ने बताएका उनको सचिवालयले जनाएको छ ।
सत्ता गठवन्धनको आज संयुक्त रुपमा भरतपुरमा सभा हुन लागेको हो । सभालाई सम्बोधन गर्न देउवा बुधबार साँझ नै चितवन आइसकेका छन् ।
सभामा सभापति देउवा, नेता पौडेल, सहमहामन्त्री महालक्ष्मी उपाध्याय ‘डिना’ सहभागी हुने पार्टीको स्थानीय तह निर्वाचन केन्द्रीय परिचालन समितिले जनाएको छ ।
.
