नेकपा एमालेका नेता एवं पूर्वमन्त्री गोकुल बाँस्कोटा बिपक्षी राजनीतिक दललाई होच्याएर बोल्न माहिर छन् । धेरै जसो उनको प्रहार बिपक्षीलाई नै हुने गरेको छ । स्थानीय तहको निर्वाचनको रौनक बढिरहेका बेला माओबादी केन्द्रका अध्यक्ष पुष्पकमल दाहाल ट्विटर मार्फत दह्रै दनक दिएका छन् । प्रचण्डलाई उनले नीलो रंगे स्यालको संज्ञा दिएका छन् ।
उनले प्रचण्डले बल्ल स्थानीय तहमा प्रमुख र उपप्रमुखमध्ये एकजना महिला अनिवार्य हुनुपर्ने कुरा थाहा पाएको भन्दै कटाक्ष प्रहार गरेका छन् । उनले गठबन्धनमा महिलाको सहभागिताको अधिकारलाई कत्लेआम गरेको टिप्पणी गरेका छन् । उनले ट्विटरमा ट्विट गर्दै भनेका छन्–पुष्पकमल दहालले अहिले थाहा पएछन प्रमुख र उपप्रमुख मघ्ये एक जना महिला गर्नु पर्ने देखियो ।
त्यसो होईन महाराज दुबै महिला भए पनि हुन्छ एक चै अनिवार्य हो।महाशय,तपाइॅको गठबन्धन महिला अधिकार कत्लेआम गर्ने महान प्रतिगामी सांस्कृतिक विचलन हो हेक्का होस लगाम छुटिसक्यो,नीलो रंगे स्याल बाईबाई ।
