काठमाडौं २० वैशाख । नेकपा एमालेबाट काठमाडौं महानगरपालिकाको उपमेयरकी उम्मेदवार सुनिता डंगोलले आफु माथि लगाइएको आक्षेप माथि चुनावको बेला गरिने प्रोपोगाण्डा मात्र भएको बताएकी छन् ।
राजनीतिक प्रतिशोध साँध्न गलत आरोप लगाइएको दाबी गरेकी उनले आफुले आफ्नो शैक्षिक योग्यताको आधारमा नै तत्कालीन अवस्थामा काठमाडौं महानगरपालिकामा छैटौँ तहको कर्मचारी भएर सेवासुविधा लिएको बताएकी छन् ।
डंगोल विरुद्ध अख्तियार दुरुपयोग अनुशन्धान आयोगमा उजुरी परेपछि उनले मुख खोलेकी हुन् ।
‘राजनीतिक करिअर अगाडि बढाइराख्दा थुप्रै खालका आक्षेपहरू लाग्ने गरेको छ । यो चुनावको बेला गरिने प्रोपोगाण्डा मात्र हो,’ उनले भनिन् ।
आफूले लगभग चार वर्ष सहायक विज्ञको रूपमा काम गरेको बताएकी उनले भनेकी छन् । ‘तलब मासिक ८० हजार लिएको थियो भनिएको छ । छैटौँ तहको कर्मचारीले लिने सेवासुविधा मैले लिएकी थिएँ । मेरो त्यही ४० देखि ४५ हजारसम्म थियो । ‘
