काठमाडौँ- सशस्त्र प्रहरी बल, नेपाल प्रधान कार्यालय हल्चोक काठमाडौँमा हालै स्थापना गरिएको ‘सशस्त्र प्रहरी बल, नेपालक सङ्ग्रहालय’ को सशस्त्र प्रहरी महानिरीक्षक पुष्पराम केसीले उद्घाटन गर्नुभएको छ । सशस्त्र प्रहरी बलले तत्कालीन अवस्थामा राष्ट्रको र नागरिकको सेवा तथा सुरक्षामा पु¥याएको योगदान एवं संस्थापक सशस्त्र प्रहरी महानिरीक्षक कृष्णमोहन श्रेष्ठलगायत ३२० जना अमर सशस्त्र प्रहरीले प्रदर्शन गरेकोे बहादुरीको गाथालगायत विभिन्न अभिलेख जीवन्त तुल्याउन सङ्ग्रहालय स्थापना गरिएको हो ।
उहाँले स्थापनाको छोटो समयमै राष्ट्रको अभिन्न सुरक्षा निकायका रूपमा स्थापित सशस्त्र प्रहरी बल नेपालबारे भावी पुस्ताले उक्त सङ्ग्रहालयमार्फत सशस्त्र प्रहरीको बहादुरीको इतिहासलगायत विविध पक्षबारे जानकारी हासिल गर्ने विश्वास व्यक्त गर्नुभयो । यसैबीच सेवा निवृत्त हुन लाग्नुभएका महानिरीक्षक केसीलाई आज यहाँ सशस्त्र प्रहरीले बिदाइ गरेको थियो ।
