काठमाडौ १८ वैशाख । सरकारले सशस्त्र प्रहरी बलको आईजीपीमा राजु अर्याललाई नियुक्त गरेको छ ।
आइतबार प्रधानमन्त्रीको सरकारी निवास बालुवाटारमा बसेको मन्त्रिपरिषद्को बैठकले अर्याललाई आईजीपीमा नियुक्त गर्ने निर्णय गरेको हो । योसँगै सरकारले नेपाल प्रहरीको आईजीपीमा धीरजप्रताप सिंहलाई पनि नियुक्त गरेको छ ।
सशस्त्रमा एआईजी अर्याल एकल दाबेदार थिए भने नेपाल प्रहरी एआईजीहरू विश्वराज पोखरेल, सहकुल थापा, धीरजप्रताप सिंह र रवीन्द्र धानुक आईजीपीको दौडमा थिए ।
वर्तमान नेपाल प्रहरीका आईजीपी शैलेश क्षापा क्षेत्री र सशस्त्रका आईजीपी पुष्पराम केसी आफ्नो ३० वर्षे सेवा अवधिका कारण अनिवार्य अवकाशमा जाँदै छन् ।
