काठमाडौं १५ वैशाख । नेपाली कांग्रेसका महामन्त्री गगन थापाले यस पटक सूर्यलाई भोट दिने काम छोड्न आग्रह गरेका छन् ।
यस पटक महिलाले महिलालाई नै सहयोग गर्ने अवसर आएको भन्दै महामन्त्री थापाले काठमाडौँ महानगरपालिकाकी गठबन्धनका उम्मेदवार सिर्जना सिंहलाई भाउजूबाट दिदी बनाउने अवस्था आएको बताएका छन् ।
काठमाडौँको मेयरकी उम्मेदवार सिंहले सार्वजनिक गरेको संकल्प पत्र कार्यक्रममा सहभागी भएका महामन्त्री थापाले ‘छोडिदिनुस्, योपटक सूर्यलाई भोट दिने काम, अर्कोपटक सूर्यमै भोट हाल्नु होला,’ भनेका छन् ।
उनले काठमाडौँमा धेरै ठूलो परिवर्तन नभई सानोसानो परिवर्तन चाहेको बताएकी भन्दै थापाले भने, ‘जसले भान्सा कसरी चलाउने ? फोहोर कसरी व्यवस्थापन गर्ने ? फुटपाथ कसरी राम्रो बनाउने ? कसरी जाम कम गर्ने ? विषयमा ध्यान दिएकी छन् भने काठमाडौँमा पनि यस्तै साना काम हुनु पर्ने होइन र ?’.हामीले काठमाडौँमा चाहेको यस्तै सानो काम गर्ने मेयर होइन र ?’
