काठमाण्डौ – वाङ्मय शताब्दी पुरुष एवम् वरिष्ठ संस्कृतिविद् सत्यमोहन जोशी बिरामी परेका छन् । बिरामी परेपछि उनको ललितपुरको किस्ट अस्पतालमा उपचार भइरहेको छ । स्वासप्रश्वासमा समस्या, छातीको संक्रमण, मुटुको चालमा गडबडीका साथै रक्तचापमा कमी देखिएपछि जेठ २६ गते अस्पताल भर्ना भएका थिए ।
उनको छातीमा निमोनियाको संक्रमण देखा परेकोले उपचार सुरु गरिएको बताइएको छ । जोशीको उपचारमा संलग्न डाक्टरका अनुसार अहिले उहाँको श्वासप्रश्वास र रक्तचाप सबै सामान्य रहेको छ भने स्वास्थ्यमा पनि सुधार भइरहेको बताइएको छ ।
जोशीको कोरोना परीक्षण रिपोर्ट भने नेगेटिभ आएको छ । एक र दुई दिन प्रत्यक्ष निगरानीमा उपचार गरेपछि घर पठाइने अस्पतालले जनाएको छ ।
तस्बिर : सुनील महर्जनको फेसबुकबाट
