कबीर सिंह जस्ता दमदार फिल्मबाट बक्स अफिसमा हलचल मच्चाउने शाहिद कपूरको स्टारडम जर्सीबाटै लोप हुँदै गएको देखिन्छ । शाहिद जर्सीमा क्रिकेटर बनेका छन् । फिल्ममा शाहिदको अभिनयको निकै तारिफ भएको थियो तर अझै पनि जर्सी दर्शकलाई हलसम्म तान्न असफल भएको देखिन्छ । सोमबार बक्स अफिसमा जर्सी नराम्ररी असफल भयो। फिल्मको कमाईमा ठूलो गिरावट आएको छ ।
तपाईलाई यो थाहा पाउँदा छक्क पर्नुहुनेछ कि रिलिजको चौथो दिन जर्सीको कलेक्सन ४५ देखि ५० प्रतिशतले घटेको छ । फिल्मले चौथो दिन १।७० देखि १।८० करोड मात्रै कमाएको अनुमान गरिएको छ । योसँगै फिल्मको कुल बक्स अफिस कलेक्सन १६।४५ करोड पुगेको छ । फिल्मले पहिलो दिन चार करोड मात्रै कमाएको थियो । तर, दोस्रो दिन फिल्मको कमाईले अलिकति उछाल गर्दै ५।५० करोडको कलेक्सन गरेको छ । त्यसपछि फिल्मले तेस्रो दिन ५ करोड कमाएको थियो ।
यस्तो अवस्थामा चौथो दिनमा फिल्म बक्स अफिसमा नराम्रोसँग खस्किएको छ । सोमबार फिल्मले अहिलेसम्मकै कम कमाई गरेको छ । फिल्मको कमजोर व्यापारलाई हेरेर मात्र २० करोडको लाइफटाइम कलेक्सन गरेर जर्सी ठूलो फ्लप फिल्मको श्रेणीमा पर्न सक्ने अनुमान गरिएको छ । जर्सीले केजीएफको तुफान कमाईको सामना गर्नु परेको छ । सुपरस्टार यशको केजीएफ च्याप्टर २ ले शाहिदको जर्सीलाई बक्स अफिसमा पछि पारेको छ भन्नु गलत हुनेछैन । अब आउने दिनमा यो जर्सीले कमाईको मामिलामा केही अचम्मको देखाउँछ कि निराशाजनक देखाउँछ त्यो भने हेर्न बाँकि नै रहेको छ ।
