काठमाडौँ २८ जेठ । प्रधानमन्त्रीका प्रेस सल्लाहकार सूर्य थापाले नेपालको राज्यप्रणालीले न्यायालयलाई स्वतन्त्र, निष्पक्ष र तटस्थ भूमिकामा स्थापित गरेकोले फैसला त्यसैअनुरूप हुनुपर्ने बताएका छन् । थापाले आज सामाजिक सञ्जाल मार्फत पक्षका वकिलको छनोटमा इजलास बन्ने, चाहेजस्तो फैसलालाई क्याबात् भन्ने र प्रतिकूल हुँदा रन्थनिदै होस नै गुमाउने व्यवाहार गलत भएको दावी गरेका छन् । उनले यो विषय गलत भएको टिप्पणी गर्दै एक माघले जाडो जाँदैन भन्दै सचेत गराएका छन् ।
उनले भनेका छन्,“नेपालको राज्यप्रणालीले न्यायालयलाई स्वतन्त्र, निष्पक्ष र तटस्थ भूमिकामा स्थापित गरेको छ । अदालतको फैसला त्यसैअनुरूप हुनुपर्छ । पक्षका वकिलको छनोटमा इजलास बन्ने, चाहेजस्तो फैसलालाई क्याबात् भन्ने र प्रतिकूल हुँदा रन्थनिदै होस नै गुमाउने व्यवाहार गलत हो । एकै माघले जाडो त जाँदैन,” उनले भनेका छन् ।
