गोरखा १३ वैशाख । उत्तरी गोरखाको चुमनुव्री गाउँपालिकामा वडा अध्यक्ष सहित नौ पदमा एक एक जनाले उम्मेदावारी दिएका छन् ।
जिल्लाको चुमनुव्री गाउँपालिकाको वडा नं १ सदस्य पदको लागि बाट कांग्रेसबाट कर्म सन्डुप लामा, माओवादीबाट डेजेन डोल्मा, एमालेबाट पासाङ लामा गरी एक एक जनाको मात्र उम्मेदवाी परेको छ ।
वडा नम्बर २ पनि सदस्य पदका लागि माओवादीको तर्फबाट लाक्पा डिकीको मात्र एकल उम्मेदवारी परेको छ । त्यसैंगरी, वडा नम्बर ५ को महिला सदस्यमा सोनाम साङ्गोको मात्र उम्मेदवारी परेको छ ।
वडा नम्बर ६ का वडाको अध्यक्षमा पनि माओवादीको तर्फबाट सरोज लामा र सदस्य पदको लागि सोनाम लामा, डोल्मा लामा, ठिमे ग्याम्जो लामाको एकल उम्मेदवारी परेको निर्वाचन कार्यालय गोरखाले जानकारी दिएको छ ।
