काठमाडौं । चर्चित नायिका केकी अधिकारीले प्रेमी रोहित तिवारीसँग लगनगाँठो कसेकी छिन् ।
बिहिबार सुटुक्क मेहेन्दीमा रमेकी केकीले आज एउटा सानो समारोहमा परम्परागत तवरले लगनगाँठो कसेकी हुन् । नायिका केकी अधिकारीका पति व्यवसायी हुन् ।
केकीले विबाह सम्पन्न भए लगत्तै सामाजिक सञ्जालमा स्टाटस लेख्दै विवाहको शुभ समाचार बाँड्न पाएको आफू हर्षित रहेको बताएकी छन् । जीवनको नयाँ अध्याय सुरु गर्दै गर्दा आफूहरुले सबैको आशिर्वादको अपेक्षा राखेको केकीले उल्लेख गरेकी छिन् ।
केकीले भनेकी छिन् ‘यहाँहरुको माया, साथ र सद्भाव हामीप्रति सदैव कायम रहने कुरामा हामी विश्वस्त छौं,’ । करिब डेढ वर्षदेखिको प्रेम सम्बन्धपछि केकीले रोहितसँग जिन्दगी बिताउने निर्णय गरेकी हुन् । तस्बिरस् केकी अधिकारीको फेसबुकबाट ।
